هما اربعه وعشرين قيراط

غريبه اوى الناس الى بتزعل علشان مبيشتغلوش شغلانه فلوسها كتير مثلا 

غريبه اوى الناس الى بتزعل انهم مش اغنياء 

غريبه اوى الناس الى بتزعل ان المهنه بتاعتهم مش ليها

 المكانه الاجتماعيه المرموقه 

وغريبه اوى الناس الى بتزعل موووت على انهم متجوزوش 

وغريبه اوى الناس الى بتزعل على انهم اتجوزوا ومخلفوش 

وغريبه اوى الناس الى بتزعل على انهم مرضى 

او عندهم ابتلاء معين 

بجد زعلكوا على الحاجات دى 

حاجه غريبه اوى 

لانهم هما اربعه وعشرين قيراط 

كلنا ربنا وزع علينا الرزق بنفس الابعه وعشرين قيراط 

كلنا ربنا ادانا حاجات وحرمنا من حاجات 

بس كلنا اخدنا الاربعه وعشرين وكلنا بناخد اربعه وعشرين بس

 ومفيش حد واخد زياده عن التانى 

اتوزعوا علينا بنسب مختلفه علشان تحمل كل واحد فينا 

لكن كلنا زى بعض 

يبقى نبص لبعض ليه 

واحد فقير وعنده عيال كتير و صحته بمب بس فقير 

بص على واحد غنى ومعندوش عيال وصحته على قده بس غنى 

وقاله يا بختك 

قاله تاخد الى عندى كله وتدينى الى عندك كله ؟ 

حد بقى سال نفسه السؤال ده قبل ما يحسد الى حواليه على الى عندهم 

حاجه بدلها حاجه 

هيه الدنيا كده عمرنا ما هناخد فيها كل حاجه 

عمرنا ما هنبقى سعداء واغنياء واصحاء وعندنا عيال زى القمر

 ومشهورين وناجحين فى شغلنا وفى اسرنا 

هيه الدنيا كده مفيهاش "تلو تلو " (كلمه عيالى بيقولها العيال الصغيرة وتعنى كله كله يعنى عايزين الحاجات كلها )  

لازم حاجه مقابل حاجه 

ولو عايزين كل حاجه 

يبقى الحل الوحيد 

" الرضا وحسن الظن بالله " 

لان ده الى بيوصل للجنه 

المكان الوحيد الى هتلاقى فيه كل حاجه 

لكن فى الدنيا مش هتاخد كل حاجه 

بس لازم تكون متاكد من قاعده مهمه 

" ما اخذ منك الا ليعطيك " 

مش احنا بنعبد ربنا بس 

ومتاكدين انه اكرم الاكرمين 

واجود الاجودين 

وارحم الراحمين 

و من يعلم عنا ما لا نعلمه عن انفسنا 

يعنى عارف كل واحد فينا كويس 

عارفنا وعارف احنا بنحب ايه ونفسنا فى ايه والى نفسنا فيه ده فيه الخير لينا ولا لا 

مش ممكن يبقى نفسك فى حاجه الحاجه دى تبقى مضرة ليك 

الى بيسال ليه؟؟ يقرا صورة الكهف هيعرف :

ان مش كل حاجه ظاهرها حلو بتبقى حلوة 

ومش كل حاجه ظاهرها وحش هتبقى وحشه 

يبقى نزعل ليه ؟ 

فيه حد يزعل من حبيبه ؟ 

ممكن طلب 

ممكن بعد ما تقراوا المقاله تغمضوا عنيكوا 

وانا كمان هغمض معاكوا 

بس واحنا مغمضين نفتكر كل نعم ربنا علينا 

بس بجد 

ممكن نعمه نعمه نفتكرها ونقول الحمد لله 

عارفين فى الاخر هتقولوا ايه 

الحمد لله كما ينبغى لجلال وجهه وعظيم سلطانه 

احكيلكوا موقف حقيقى 

كنت عند واحده قريبتى 

هيه ارمله وعندها بنتين وزعقت لبنتها الكبيرة 

فبنتها الكبيرة عيطت ودخلت الاوضه بتاعتها 

دخلت وراها علشان احاول اصالحها 

لاقيتها حاضنه صورة باباها وبتعيط اوى 

باباها ده كنت بشوفه وانا صغيرة وكل الناس بتحكى عنه

 انه كان اخلاق اوى وطيب اوى 

وكان مدلعها على الاخر لانها اول فرحته 

كانت بتأشر بس يحققلها كل الى بتتمناه 

عارفين الناس الى لما بيموتوا الكل بيفضل فاكرهم

ويحزن على فراقهم لانهم يبكونوا اقرب فى اخلاقهم من الملايكه 

تخيلوا اب كده

وبنته كانت قرة عينه وكان قرة عينيها 

ولكنه الله يرحمه مات وهيه عندها حوالى سبع سنين 

يمكن انا كمان كنت هقعد اعيط معاها لما شوفتها كده بس تمالكت نفسى 

وهيه اول ما شافتنى مسحت دموعها و سكتت 

قولتلها: انتى واحشانى جدا وواحشنى الكلام معاكى 

قالتلى: وانا كمان  

قولتلها: طيب ايه رايك نلعب لعبه صغيرة 

فرحت وقالتلى: ماشى الكلام ده كان وهيه فى تانيه اعدادى 

قولتلها: بصى  كل واحد فينا هيقول نعمه من نعم ربنا علينا 

والى هييجى دورة وميعرفش يقول يبقى هوة الى خسران 

قالتلى: طيب ثانيه دخلت غسلت وشها وفوقت وجتلى 

يمكن قعدنا ساعه ونص كل واحد فينا يقول نعمه 

بس كنت مستغرباها اوى 

يمكن قالت نعم عمرى يا كبيرة ما فكرت فيها 

وقالت نعم كنت متخيله ان عقلها الصغير ممكن ميكونش مستوعبها 

بس بعد الساعه ونص والدى نادى عليه علشان نروح 

ومكناش قولنا كل النعم 

 قالتلى وهيه بتضحك : على فكرة انا اخر واحده قولت وانتوا ماشيين هعتبرك منسحبه وانا بكده هكون الفائزة 

ضحكت وقولتلها : ماشى بتستغلى الظروف  

موقف وعدى  بس رجعت بيتنا يومها و انا مبسوطه اوى 

مش علشان فرحتها وبس لا لانى حسيت بعظمة ربنا 

يا ما اتت كريم يا رب 

اللهم لك الحمد كما ينبغى لجلال وجهك وعظيم سلطانك  

اللهم لك الحمد ملا السماوات والارض وملا ما بينهما 

اللهم لك الحمد كله ولك الشكر كله واليك يرجع الامر كله 

متنسوش التمرين غمضوا عنيكوا بقى وحاولوا تفتكروا

خمس وعشرين نعمه بس وتحسوا بجد انها نعم 

و فى  الاخر احمدوا ربنا من جوة قلوبكم 

وانتوا متاكدين ان ربنا بيحبنا اوى  وانه بيعلمنا دايما الى فيه الخير لينا 

عيب عليك عمو بتاع السمك يكون بيفهم اكتر منك

ذهبت البارحه لشراء بعضا من السمك المشوى 

وكان الحوار بين بائع السمك واحد الزبائن كالاتى :

الزبون : ايه ده هما علقوا اعلانات على متولى الجزار عندك انت كمان 

بتاع السمك : اه يا عم رمز التكييف عشان يطرى الجو 

الزبون بتريقه : طيب هيطرى الجو فى الصيف و فى الشتا بقى هننتخب مين  يعنى هيبقى عضو موسمى فى المجلس تخصص صيف 

بتاع السمك : يا عم وانت فكرك اننا هرشحه سؤاء صيف ولا شتاء انا عارف ثقافته وافكارة 

الزبون بتعجب : وثقافته ايه بقى الى انت عارفها يا عم ؟

بتاع السمك : انا مبحكمش على الثقافه بتاعة الانسان من تعليمه لان الموضوع ده بقى ملوش دخل دلوقتى 

الزبون : امال بتحكم عليه من ايه بقى ؟

بتاع السمك : من تفكيرة ومعاملته  ده واحد جزار عايش طول عمرة بيتفنن ازاى ينصب عليك ويديلك كيلو اللحمه ناقص ميه وخمسين جرام  وتقوله عايزها حمراء يديهالك مليانه دهنه 

يعنى ثقافه جمع فلوس وبس ازاى ينصب علينا وياخد فلوسنا 

انا جاى يقولى انتخبنى قولتله ايه برنامجك الانتخابى 

قالى انه عايز يطور التعليم والمستشفيات ووووووو

الزبون : كويس 

بتاع السمك : ما كل الناس بتقول نفس الكلام 

والحزب الوطنى كان بيقول نفس الكلام 

هوة الحزب الوطنى مكانش بيقول فكر جديد و تغيير 

و اصلاح التعليم والصحه وتطويرهم كان بيقول 

لو على الكلام الكل كلامه حلو لكن الفعل ........؟ 

الزبون : امال انت عايز ايه يعنى ؟

بتاع السمك بانفعال : قال لو هوة عايز يصلح كان صلح من زمان 

كان عمل جمعيه يعلم فيها الاميين

 ينظفوا فيها الحى ,

 يساعد من خلالها الفقراء 

يعمل مشروعات صغيرة للشباب و يشغلهم 

يتعامل مع الناس كويس ويكون امين 

لازم الى نرشحه لمجلس الشعب يكون عنده تضحيه 

مش داخل ينهب وخلاص 

احنا زهقنا من الحرامية بقى .

***********

كان ساعتها السمك جهز وللاسف كنت مضطرة اخده وامشى 

ومسمعتش بقيه الكلام 

بس اكيد اتاثرت جدا 

ان للاسف راجل بسيط اوى زى عمو بتاع السمك 

عنده الثقافه والرؤيه والفكر الى فيه جامعيين معندهمش ربعه 

و عن نفسى فانا مع كل كلمه قالها عمو بتاع السمك قلبا وقالبا 

و لو حد سالنى عن ضميرى 

كان نفسى اقوله : ممكن ترشح نفسك لمجلس الشعب 

وانا وراك و هقول 

يحيا عمو بتاع السمك 

و يسقط فلول الحزن الواطى 

Asmaa Samir

أرجو عدم القراءة

حقا أرجو عدم قراءة كلماتي 

هذه فلم اكتب هذه الكلمات ليقرؤها احد سواى

 وحاولت جاهدة أن أخفيها فلم اعرف

نصيحة لن تفيدكم القراءة شيئا على الإطلاق

 فلا تتعبوا أنفسكم فيها رجاء

رسالة إليك أنت

رسالة إليك أنت يا من لا اعرف لك اسما ولا كنيه

يا من لا اعرف لك وصفا ولا شكلا

يا من لا اعرف حتى عنك شيئا

يا من لا احمل لك صورة في حقيبتي

ولا احمل لك اسما في هويتي حتى الآن

ولم يخفق قلبي بحبك بعد

عهود

سأحافظ على قلبي من أجلك

فلا ادخله أحدا سواك

سأحافظ على عيني من أجلك

فلا أبصر بها رجلا سواك

سأحافظ على سمعي من أجلك

فلا اجعله يسمع حلو الكلام ويتأثر به إلا منك

سأحافظ على روحي نقية من أجلك

لكي تعجبك عندما اهديها إليك

أمنيات

كم أتمنى أن تكون كلماتي إليك أروع من كل الكلمات

من لسان لن يقول عذب الكلام إلا لزوجه

من قلب لم ولن يجرب الحب إلا بسببك

إيمان

أؤمن بان من ترك شيئا لله عوضه الله خيرا منه

فمن ترك النظر الحرام أبدله الله بلذة النظر الحلال

ومن ترك الكلام الحرام أبدله الله بكلام عذب حلو مذاقه في الحلال

ومن ترك الحب الحرام أبدله الله حبا حلالا يملا قلبه ويرضى الله عنه

خـــفــــقـــــــــــــــــات

يا ربى

لا أريد أن أكون من تقدم لها الألف عريس

يا ربى

لا أريد أن يعجب بي المليون رجل

يا ربى

لا أريد أن أحب إلا زوجي

يا ربى

لا أريد........ لا أريد ...........لا أريد

إن كانت هذه خبرات , فلا احتاج إليها

ولا أريد

فكم من فتاة عرفت الكثير ومع ذلك لم تفيدها خبراتها شيئا على الإطلاق

يا رب

احفظ على قلبي فلا أسلمه إلا لزوجي

يا رب

احفظ على بصري فلا أرى به إلا محاسن زوجي

يا رب

احفظ على سمعي فلا اسمع به إلا نسيم كلمات زوجي

يا رب

احفظني له واحفظه لي ولا تجعل أحدا يتقدم لخطبتي سواه

يا رب

لا تجعل رجلا يدخل بيتنا ليتزوجني سوا من كتبته زوجا لي

وان كنت يا ربى قد كتبت على أن لا أتزوج أبدا

 فلا تدخل بيتنا أحدا أبدا

واحفظ على قلبي وعفتي وحيائي إلى أن أموت

كي أقابلك بقلب سليم

يا ربى أسألك بأسمائك الحسنى و بصفاتك العلا

أسألك بكل اسم هو لك سميت به نفسك أو أنزلته في كتابك

 أو علمته أحدا من خلقك آو استأثرت به في علم الغيب عندك

أسألك بأنك أنت الرحمن الرحيم

أسألك بأنك أنت الحي القيوم

الرحيم بالضعفاء

وجبار المنكسرين

أن تحفظ على قلبي فلا أسلمه إلا لزوجي وان لا تعرضنا للفتن

أبدا ..........أبدا

يا رب اختر لي فلا أحسن الاختيار

 ودبر لي فلا أحسن التدبير

 ولا تبعدني عن طريقك أبدا ما حييت

 خذني إلى طاعتك دائما سؤاء كان هذا ما أريد

 أو كان رغما عن انفي

 فقط أحييني بقربك دائما ولا تعرضني للفتن مطلقا .

ياااااااااااااااااااااااااااااااارب