السبت، مارس 21، 2009

أنا حرة





أنا حرة

و بعلنها بأعلى صوت لكل الأرض للدنيا
و لا يمكن هكون سلعه لأني مؤمنه وساميه

أنا حرة أنا غالية أنا أم عمارة وسميه
أنا زيـنـب أنا رقـيـه أنا نفـيسـة أنا آسـيه

لانى زى ضوء القمرة في العالي أنا عالية
لا يمكن عين بتوصلي لانى حرة وأبيه

أنا اللي قال ليكوا رسولي بها رفقا
أنا الدرة الغالية لا يمكن يوم أكون فاسقه

أنا اللي أكرمني ربى بدينه إسلامي
أنا اللي الأرض يتبارك صلواتي وقيامي

أنا اللي الـكون كله بيحسدني على إيماني
علـى مكانتي والعزة اللي بتلوا بيها قراني

وأما في بيتي أنا درة
لا يمكن أقول عيشه مرة

أنا راضيه لان ربى رضاني
أنا صالحه لأنه حبانى بإيماني

وابني وزوجي أنا أسرة تكون صالحه
نعيش فيها بحب بمودة بمصالحه

وأخلى حياتي وحياتهم دية ورديه
لأني قدوتي خديـجة وفاطمة وسمـية
ده ديني يا ناس مخلينى لؤلؤة مصونة
وبيه بقيت بين الناس أنا درة و مكنونه

ده ربى وحده اخرجنى من الظلمات إلى نوره
وخلالي كرامه وعزه ولا جبل بكل طوله

فالحمد إليك يا ربى على إيماني
والشكر إليك يا هادى على حجابي و قراني
والفضل إليك يا بارى على كونك أنت الهي
والحمد إليك يا حبيبي على كوني أكون حرة أنا حرة

أنا حرة


هناك 9 تعليقات:

  1. الشعر جميل ولابد انك تكتبي اسمك او الاسم المستعار لك اخر الشعر للحفاظ عليه عند النقل
    اتمنى انك تستمري فى التدوين

    ردحذف
  2. السلام عليكم
    كلمات راقية جدا
    ونعم الحرية عندما تنبع من الإحساس بالامان في جنب الله وفي صحبة الصالحين ، وبالاقتداء بالأخيار الطاهرين
    ذلك ما نرجوه من كل الدنيا ان تعلم أن قمة الحرية أن تحيا في عبدا في سبيل غاية وهدفا نبيلا
    وليس هناك أسمي من خلافة الله في أرضه
    جزاكم الله خيرا
    وزادكم حرصا علي دينه ودعوته
    بارك الله فيكم

    ردحذف
  3. الاخ صرخه

    جزاكم الله الف خير على نصيحتكم ولكن من يريد ان يسرق شيئا يسرقه مهما فعلنا

    ويارب نلاقى اللى ينشر الخير

    سؤاء كان هيسرقه ولا لا

    طالما هناخد حسنات

    ردحذف
  4. الاخ صريح اوى

    الحمد لله على سلامتكم

    وجزاكم الله الف الف خير على كلماتكم

    والحمد لله على فهمكم الصحيح للشعر

    (لو كان شعر )

    ربنا يستجيب لدعائكم لينا وليكم ولكل المسلمين باذن الله

    ردحذف
  5. (قدوتى خديجة وفاطمة وسمية)
    ونعم القدوة من اتخذتِهن قدوة.

    ردحذف
  6. السلام عليكم
    ومن أسلب حريتك

    جزاكم الله خيرا علي الكلمات الرائعه
    مدونه تستحق ان تتابع
    دمتي بخير

    ردحذف
  7. الاخت norahaty جزاكى الله خيرا
    ولكن هؤلاء لسن بالقدوة لى فقط وانما لكل المسلمات

    الاخ خالد فوده
    جزاكم الله خيرا على التفاعل

    نرجو من الله ان يجعلنا احسن مما يظن الجميع

    ردحذف
  8. وأنا كمان :)
    تعرفى كلمة أنا حرة غالبا بنسمعها بسياق رخم وكده بس التدوينة دى بطعم تانى حسستنى أن الكلمة جميلة بجد
    نحن أحرار ووسام شرفنا كوننا عباد لله تعالى
    جزاكِ الله خيرا ونفع بكِ وعذرا للتأخير

    ردحذف