الجمعة، أبريل 17، 2009

مذكرات المدرسين



اول يوم فى التربيه العملى


باعتبار ان انا بقيت فى سنه تالته


(ياة العمر عدى بسرعه يلا حسن الختام )


ففى كلية التربيه المحترمه بتاعتنا بننزل تدريب عملى ..........


.احم ...احم وما ادراكم ما التدريب العملى وخصوصا الاعدادى


عسسسسسسسسسسسسسسسسسسسسسل


المهم قبل التربيه العملى ما تبدا كنت لازم اخد التوصيات


وبسؤال الاحبة اتفقت جميع الناصحات انى لازم اخذ خرزانه


وافضل مكشرة (اعملى شخصيه يعنى )علشان العيال مش تاخد عليه


وابتدا سيل النصائح


1- اوعى يا اسماء تهزرى مع العيال او حتى تبتسمى قدامهم هيقرفوك


2- اهم حاجه دفتر التحضير اشتريلك حبه الوان اخضر على احمر على برتقالى


على بنفسجى واعملى شغل ويا سلام لو حبة استيكرات ظبطى دفترك كده علشان


الموجه (كائن الموجه ده جاى من كى جى تو )المهم الالوان


وسيبك من التحضير اهو اى كلمتين والسلام وهتعدى


3- اياك تدخلى الفصل من غير عصايه العيال هيستهتروا بيك ومش هيحترموك


4- ظبطى المدرسة اللى معاك اشى طرحه محترمه على برفان مميز


وكده علشان تكتب فيك تقرير حلو


5- اول ما تدخلى الفصل بصى للعيال نوعين من النظرات الاولى بقرف


والتانيه بتكشيرة


6- اصلا انتى مش نافعه فى التدريس


وهتجيبينا ورا بس اهو ننصحك والسلام



طبعا انهالت على النصائح واغلبها كان من الشكل ده


وطبعا انا مدركه تماما لصورة وضعتها بيدى امام ناس معينه


عندى لاسباب معينه ايضا وهى انى منفعش فى حاجه


(ديه الصورة مش الاسباب )



وجاء اليوم


اول يوم ننزل فيه التربيه العملى


وبينى وبينكم حطيت كل النصايح ديه فى دماغى


وتاثيرها كان كبير جدا لسبب بسيط


انها جايه من اكتر من واحد ده غير ان مدرسه الفصل


قالتلى نفس الكلام قبل ما ادخل


بس يا خسارة مجبتش العصايه اهىء اهىء وايه العمل؟؟؟؟


ندخل على النصيحه التانيه التكشيرة


دخلت الفصل وانا عابسه (مكشرة يعنى )


ولا انطق لان اليوم ده المدرسه اللى معانا هيه اللى بتشرح


وجلست فى اخر الفصل لان انا وجهى بيبتسم لوحدة


فعلشان احافظ على التكشيرة فضلت مركزة جدا



بعد انتهاء الحصه خرجنا والبنات اصحابى كلهم تعجب


اسماء عرفت تكشر اخيرا وواحدة صاحبتى


قالتلى : تصدقى بتعرفى تكشرى زينا


قولتلها :علشان تعرفى انا انا لما بكون عايزة اعمل حاجه بعملها


ولكن انا طبعا بعد الحصه اخدت نفسى ورجعت لطبيعتى تانى


وعدى اول يوم


وجه دورى فى الشرح


طبعا اغلب النصائح تجاهلتها لما نظرت اليها نظرة عقلانيه


وكان يوم .....


بس ده المرة الجايه


هناك 20 تعليقًا:

  1. باعتباري مدرس وكنت طالب في تربية
    أقدر أقولك وبكل فخر واعتزاز

    كل اللي احنا بناخده في الكلية والتربية العملي ده ((( هجس )))

    مفيش حاجة بتم على أرض الواقع
    هدف معرفي
    وهدف وجداني
    وهدف ...

    كله في الباي باي

    تقبلي مروري وتحياتي

    وأدعوك لزيارة مدونتي

    ويبقى التواصل

    ردحذف
  2. عبوس وعصاية وتكشيرة

    عليه العوض في التعليم واللي بيتعلموه

    ههههه باهزر طبعا

    كنت قد كتبت موضوع عن طريقة التربية وكيفية الضرب المباح في المدارس .. بعنوان

    قم للخرزانة وفها التبجيلا

    http://ana-elbahr.blogspot.com/2008/11/blog-post_10.html

    دمتم بخير

    ردحذف
  3. ههههههههههههه
    ايه النصابح اللي تودي في اهية ديه
    علي فكرة العيال دلوقتي اذكيا جدا
    واظن ان فكرة المدرس اللي بتحكي عنه عفا عليها الزمن
    خليكي علي طبيعتك
    جد وقت الجد وصارمة عندما يحتاج الامر
    اصل العبوس مش هو اللي حيخلي العيال تحترم نفسها
    ههههههههههههه
    اسأليني انا
    اصلي كنت طالبة في يوم من ذات الايام
    سلام

    ردحذف
  4. التدريس ده مهنة صعبة جداً
    وأنا بقرأ البوست افتكرت ايام ما كنت فى المدرسة
    كنا مبهدلين المدرسين معانا
    وخاصة لما كان بيجي مدرس من اللى بيتمرنوا (زيك كده)
    مره واحد قعد يقولنا (بالله عليكم متفضحونيش أنا زي أخوكم وهروح فى داهية .. طيب اسكتوا شوية صغيرين بس)
    بس إحنا معندنا يامة إرحمينا
    يلا أيام ورحات لحال سبيلها
    بس نصيحة يعني
    أوعي تروحي مدرسة ثانوي ولاد

    ردحذف
  5. التدريس ليس مهنتي ولا أفقه فيه كما تفقهون
    لكن كثيرا ما تكون تلك العقلانية اللتي تتحدثين بها في آخر الكلام هي ما تنفع
    عامليهم كما تعاملي تجدين نفسكي تعاملين
    ليس ما وُضع هنا الا محض تجارب اي انها ليست قوانين واجبة الشغل والنفاذ....كثيرا ما تكون قوانين العقل هي الأرجح والأصلح

    دمتي بخير

    الحارة سد

    ردحذف
  6. يا سلام على " التربية " اللي قبل التعليم :) ,

    للأسف البلد ما فيهاش تربية خالص , و التعليم برضه في الطريق للزوال !!

    بس متهيأ لي لو واحد دارس تربية و علم نفس و اجتماع بجد , دارسة عن فهم و حب يعني , مش مذاكرة امتحانات , مش هيحتاج لتكشيرة و لا عصاية ,
    و هيقدر يسيطر على الطلبة و يخليهم يحبوه كمان


    ملحوظة : استثني طلبة الثانوي من الكلام ده :)

    ردحذف
  7. الاستاذ معتز شاهين

    معكم حق

    وجزكم الله خيرا على التعليق

    ردحذف
  8. الاخ احمد سعيد بسيونى

    بقى تطلقوا الحكم ده من اول موضوع

    امال لو كملت هتقولوا ايه

    جزاكم الله خيرا على التعليق وتنويركم المدونه

    وساقرا الموضوع

    ردحذف
  9. الاخت ورده

    نورتينى ونورتى مدونتى من جديد

    وجزاك الله الف الف خير على المرور والتعليق

    العيال اذكسياء طول عمرهم

    مش دلوقتى بس

    هههههه

    بالتاكيد كلامك مظبوط

    مهو علشان كده انا قولت للموضوع تكمله

    علشان تمل ملامحه

    ولولا ان انا معترضه على النصايح ديه مش كنت ذكرتها باسلوب ساخر ولا ايه

    دمتى سالمه

    ردحذف
  10. د/ياسر

    شكرا جدا لحضرتكم على متابعتكم للمدونه

    ربنا يبارك فيكم يا رب

    الحمد لله ماتحيايلتش على العيال قبل كده

    نصيحه حضرتكم اكيد هعمل بيها

    اذا كنت خايفه من انى اروح ثانوى بنات

    اروح ثانوى ولاد

    جزاكم الله الجنه

    ردحذف
  11. الاخ صاحب مدونة حارة سد

    جزاكم الله خيرا على المرور والتعليق

    مدونتكم ممتازة ما شاء الله

    معكم كل الحق فيما قلتم

    اصطبروا عليه شويه وانا اكمل الموضوع

    ردحذف
  12. الاخ ابراهيم سلام

    بعد الشر على التعليم

    امال هنتعين فين

    بس بجد التعليم مشلسه فى طريقه للزوال

    بنظرة عن كثب

    هوة زال خلاص

    اما عن كلام حضرتكم فانا معاكم فىه

    فى اعتقادى ان المعلمة الجيد ناتج عن

    معلم مخلص وعندة رساله

    جزاكم الله خيرا على زيارتكم الكريمه للمدونه

    ردحذف
  13. رأيي أن تكوني كما أنت
    كوني علي طبيعتك
    ليس من الصحيح تقمص شخصية أخري

    عامة التعامل مع البشر أيا كان عمرهم أو أماكنهم صعب
    وخطأ ان نتعامل مع البشر بطريقة واحدة
    خلقنا الله مختلفين
    ولذا يجب ان نتقن فن المعاملة لكل نوع من البشر
    وهذا يحتاج لمران وعلم وخبرة واصرار ووقت
    تمنياتي لك بالتوفيق في مهمتك الصعبة

    ردحذف
  14. ياسمسم
    خليكِ على طبيعتك وانا متأكده إن التلاميذ هيموتوا فيكِ
    ربنا يبارك فيكِ
    ـــــــــــــــ
    أحبك فى الله

    ردحذف
  15. متابعين معاكى يا محبة ان شاء الله اسلوبك رائع ربنا يتقبل منك يارب

    ردحذف
  16. فى اول زيارة

    تعرفى ان الطفل لو خلتيه يحبك هتكونى انتى الكسبانة

    انا لغاية دلوقتى باحب بعض مدرسينى اوى

    وكل ما تيجى سيرتهم والله بجد بادعيلهم

    من قلبى بجد

    وفى شوية مدرسين كل لامة افتكرهم اقول

    اعوذ بالله

    باتمنا تكون يا رب من اهل الخير

    تشرفت جدا بزيارتك واتمنا الا تكون الاخيرة

    احمد

    ردحذف
  17. ليه بس التكشيرة
    الأفضل يحبوكي ويحترموكي
    قوة الشخصية ممكن أن تجتمع مع المرح...
    أسأل الله أن يستخدمك ولا يستبدلك يا أختي

    ردحذف
  18. السلام عليكم ورحمة الله وبركاته
    أختى الكريمة
    بارك الله فيك على هذه المدونة الجميلة
    ربنا يوفقك وتكونى أحسن مدرسة للقيم والا خلاق

    أخيك
    أبو خيرى
    أتمنى منك زيارة مدونتى المتواضعة ومشاركتنا النقاش

    ردحذف
  19. أنا مش عارف كلكم كارهين بتوع الثانوى ليه دا احنا نسايم خالص
    ولما بتوع التربية بيشرفونا بنحترمهم جدا لما الموجه يجى عشان ينجحوا دول حتى شباب زينا
    طالب ثانوى
    ( اخر شهر )

    ردحذف