أنا إيه قررت أتحجب
اتحجب يعنى احترام
يعنى اخر شياكة كمان
احمر واخضر وازرق واصفر
حجاب فيه احلى الالوان
مأنا إيه قررت أتحجب
لبست بنطلون برمودا
علية بلوزه عالموضة
على طرحتين بيضه وسودا
منا طبعا قررت اتحجب
قررت اتحجب بشياكة
قررت اتحجب باناقة
قررت اتحجب بحجاب
يرضينى ويرضى الاحباب
ويبعد عنى عين الاغراب
وامشى بيه فى اى مكان
من غير معاكسه و طولة لسان
وده لانى قررت أتحجب
لكن أول ما سبت البيت
من المعاكسة انا مليت
وبكلامهم بقيت بتعذب
مع انى قررت اتحجب
في ايه يا عالم ليه جرى ايه
ده حجاب ده ولا اسمة ايه
طب ليه اتعاكس فى الشارع
وانا لابسه طرحة وبونيه
هوة انا مش قررت اتحجب
قولت يمكن بنطلونى قصير
طيب خلاص من بكرة هغير
هلبس بنطلون شالستون
حلو كده على بلوزة فيزون
منا اصلى قررت اتحجب
ونزلت انا من بيتى تانى
ببلوزة على طرحة ايشانى
وبنطلون وغويشه عاجبانى
منا اصلى قررت اتحجب
لكن تانى اتعاكس ليه
هوه حجابى كان ايه فيه
اقلع البنطلون والبس جيبه
حاجة سهلة وتدينى هيبة
منا لازم لازم اتحجب
رحت اشتري جيبة عالركبة
مع استريتش الوانة راكبه
مع البدى وطرحى الجامدة
منا اصلى قررت اتحجب
ولتالت مرة انا اتعاكست
ومن كتر التفكير بلمت
ايه اللى انا فيه بس غلطت
منا عايزة بجد انى اتحجب
ولبست اوام انا جيبة واسعه
وطرحه تحمينى من الواقعه
وجاكت يدفينى فى الساقعه
ولاول مرة فى حياتى
مشيت من غير ما اتعاكس
وساعتها بس حسيت
ان حجابى كده مش ناقص
منا قررت بجد اتحجب
وانا ايه قررت اتحجب
حجاب بجد يحمينى
يسترنى ويزود دينى
حجاب واسع مش منحوت
يفصل جسمى بالمظبوط
حجاب يستر منى العورات
حجاب ادخل بيه الجنات
يا رب اهدى اخواتى جميعا الى الحجاب الحقيقى الذى يصونهم من الاذى ويحميهم من الشرور
ربنا يكرمك يا حبيبتى ويبتنا ويرزق الجميع حلاوة الايمان
ردحذفتعرفى رغم ان المعاكسات أكتر حاجة بايخة ممكن البنت تتعرض لها بس اوقات برضه ممكن تفوقها وتحليها تغير من طريقة لبسها
أزال المؤلف هذا التعليق.
ردحذفحلوة جدااااااا القصيدة دى
ردحذفويارب يجعلها فى ميزان حسناتك
ويستر علي كل اخواتنا المسلمات يارب